Okkar markmið
Hjá Payday er markmið okkar að styrkja sjálfstætt starfandi einstaklinga og lítil og meðalstór fyrirtæki til að ná árangri með því að bjóða notendavænan bókhaldsvettvang. Hann sparar tíma og kostnað, þannig að viðskiptavinir okkar geta einbeitt sér að því sem þeir gera best á meðan við sjáum um tölurnar. Við leggjum áherslu á framúrskarandi þjónustu við viðskiptavini, með fyrsta flokks þjónustusíðum og stuðning í rauntíma í gegnum spjall. Jafnframt vinnum við stöðugt að því að bæta lausnina okkar til að mæta breytilegum þörfum viðskiptavina okkar.
Sagan
Saga Payday spannar yfir mörg ár og endurspeglar mikinn vöxt og þróun á sviði fjártækni og bókhaldslausna fyrir sjálfstætt starfandi einstaklinga, lítil og meðalstór fyrirtæki.
- 2016: Hugmyndin að Payday kviknaði þegar stofnendur sáu þörf fyrir bókhaldslausn sem einfaldar ferlið fyrir sjálfstætt starfandi einstaklinga.
- 2017: Þjónustan fór formlega í loftið, þar sem einblínt var á einstaklinga í sjálfstæðum atvinnurekstri.
- 2018: Þjónustan stækkaði og fór að höfða til smárra og meðalstórra fyrirtækja. Á þessum tíma var fjöldi viðskiptavina kominn í 119 og 1009 reikningar sendir í gegnum kerfið.
- 2020: Fjárhagsbókhald var tekið upp til að mæta enn betur þörfum viðskiptavina, sem auðveldaði rekstur fyrir fyrirtæki sem notuðu Payday.
- 2021 og 2022: Mikill tekjuvöxtur átti sér stað, sem markaði viðurkenningu á markaðnum og mikla ásókn í þjónustu Payday.
- 2023: Payday verður hluti af Visma fjölskyldunni.
- 2024: Payday hefur nú yfir 5500 viðskiptavini, og yfir tvær milljónir reikninga hafa verið sendir í gegnum lausnina.
Framtíðarsýn
Sýn okkar er að vera leiðandi á sviði fjármálalausna fyrir sjálfstætt starfandi einstaklinga og lítil og meðalstór fyrirtæki á Íslandi. Við viljum umbreyta því hvernig þau stjórna rekstri sínum með því að veita nýstárleg og aðgengileg tól auk framúrskarandi þjónustu sem styrkir þau til að blómstra og ná fjárhagslegum árangri með auðveldum hætti.
Eigendur
Visma International Holding AS
Björn Hr. Björnsson
Gunnar Gils Kristinsson
Stefán Ari Guðmundsson
