Hvers vegna Payday?
Einföld en öflug lausn sem er sérsniðin að þörfum sjálfstætt starfandi einstaklinga, lítilla og meðalstórra fyrirtækja.
Ef þú ert sjálfstætt starfandi þá hefur þú örugglega velt fyrir þér hlutum á borð við reikningagerð, virðisaukaskatti, launatengdum gjöldum og skilum á opinberum gjöldum. Fyrir marga getur verið yfirþyrmandi og tímafrekt verkefni að þurfa að passa upp á þessa þætti í hverjum einasta mánuði. Payday leysir vandamálið með einföldu en öflugu kerfi sem er sérsniðið að þörfum sjálfstætt starfandi einstaklinga.
Hér eru 5 helstu ástæður hvers vegna þú ættir að velja Payday og byrja að auðvelda þér lífið strax í dag.
Einfalt
Það tekur aðeins örfáar mínútur að stofna aðgang að Payday, að því loknu getur þú byrjað að senda reikninga eða greiða þér út laun. Það er ekki jafn flókið að halda utan um reksturinn og þú hefur haldið til þessa, Payday sér til þess. Payday er bæði aðgengilegt í tölvunni og í símanum, þú þarft því ekki endilega að vera bundinn við skrifborðið eða starfsstöðina þína til þess að senda út reikninga eða borga þér laun.
Tímasparnaður og sjálfvirk skil
Þú sparar tíma með því að nota Payday. Nýttu frekar tíma þinn með fjölskyldunni eða að sinna áhugamálum þínum. Payday gerir þér einnig kleift að taka að þér fleiri verkefni og skapa þannig meiri tekjur. Payday sér sjálfkrafa um skil á launatengdum gjöldum.
Yfirsýn
Payday veitir þér þá yfirsýn yfir reksturinn sem þig hefur alltaf dreymt um. Með auðveldum hætti sérðu hvað þú átt útistandandi í ógreiddum reikningum, hverjar tekjurnar eru í hverjum mánuði, hvað þú greiðir í skatt og hvað er til ráðstöfunar. Með þessu móti ættir þú að verða öruggari með reksturinn og þá um leið verða ákvarðanir tengdar rekstrinum auðveldari.
Minni áhyggjur
Þú þarft ekki lengur að muna hvenær það eru skil á staðgreiðslu eða lífeyrissjóðsgreiðslum, Payday passar upp á það fyrir þig. Payday passar uppá að allt sér í skilum á réttum tíma og kemur þannig í veg fyrir óþarfa kostnað og áhyggjur.
Umsagnir viðskiptavina
Viðskiptavinir okkar eru einstaklega ánægðir með þjónustuna. Umsagnir þeirra tala sínu máli.
„Eftir að hafa haft afar litla yfirsýn yfir stöðu bókhalds- og rekstrarmála fyrirtækisins bókaði ég fund hjá fagaðila sem mælti eindregið með Payday fyrir bókhaldið okkar. Nú eftir nokkra mánuða notkun Payday hef ég nú sem fyrirtækjaeigandi mun betri yfirsýn yfir daglegan rekstur, launamál, útgjöld og allt sem tengist rekstrinum. Ég mæli hiklaust með Payday og þeirri frábæru daglegu yfirsýn sem það gefur.”
„Payday kerfið er auðvelt og þægilegt í notkun. Timasparnaðurinn við launaskil og sjálfvirk pörun greiðslna borga auðveldlega upp áskriftina. Það besta við að ég fór að nota Payday er samt áhrifin á hjónabandið. Sem einyrki þurfti ég endalausa leiðsögn frá manninum mínum með bókhaldið. Eftir að Payday kom til sögunnar ræð ég við bókhaldið (að mestu) sjálf og við hjónin nýtum tímann í annað en bókhaldsaðstoð.”
„Ég fullyrði að ef það hefði ekki verið fyrir Payday þá hefði ég aldrei farið að vinna sjálfstætt. Með því að nota Payday þá þarf ég ekki að hafa áhyggjur af formsatriðunum í reikningagerð og ég hef úrvals yfirsýn yfir reksturinn. Þjónustan sem þau veita þegar ég stend á gati er líka fyrsta flokks, svör á reiðum höndum og það á sömu mínútunni. Takk, Payday!”
„Ég er stjórnendaráðgjafi. Það skemmtilegasta sem ég geri er að hjóla um bæinn og vinna með metnaðarfullum stjórnendum að því að bæta sig og sinn rekstur, ekki að afgreiða launagreiðslur eða VSK uppgjör, heppinn ég að Payday kerfið skuli sjá sjálfkrafa um það fyrir mig!”
„Með notkun á Payday hef ég skýra yfirsýn yfir reksturinn og get út frá þeim lykiltölum sem ég hef aðgang að í kerfinu tekið góðar ákvarðanir varðandi næstu skref. Einnig sér kerfið um fjölmörg verkefni sem annars væru tímafrek, eins og að senda út áskriftarreikninga, greiða út laun og standa skil á opinberum gjöldum.”
„Ég er með fasteignafélag með um tuttugu einingum í leigu, samningarnir eru flestir vísitölutengdir, sumir með VSK. Þökk sé Payday þá fljúga reikningarnir út um hver mánaðarmót án þess að ég hafi nokkuð fyrir því. Vísitölutengdir áskriftarreikningar eru mikilvægasti fítusinn fyrir fasteignafélög eins og mitt.”
„Ég vil geta einbeitt mér að því að skapa fallega list. Payday auðveldar mér lífið, sér um öll skil og að allt fari á réttan stað”
„Ég vil hafa hlutina einfalda og ekki eyða tímanum í pappírsvinnu. Payday sparar mér tíma og gerir mér kleift að einbeita mér að fluginu”
„Ég vil ekki hafa áhyggjur af reikningagerð, launaskilum og virðisaukaskýrslum. Payday hjálpar mér að halda áætlun og klára verkin í tíma”
